Оскар Каліс (эст.: Oskar Kallis; 23 лістапада 1892, Талін — 1 студзеня 1918, Ялта) — эстонскі мастак, адзін з самых выдатных прадстаўнікоў нацыянальнага рамантызму.
Нарадзіўся ў дваранскай сям’і. Пасля смерці бацькі ў 1898 годзе даводзілася дапамагаць маці ў выхаванні трох братоў-сясцёр. Пасля заканчэння чатырохкласнага Талінскага гарадскога вучылішча ў 1910 годзе стаў працаваць чарцёжнікам у інжынера Э.Боўстэда. У 1914 годзе прынялі на працу чарцёжнікам у Марскую крэпасць Імператара Пятра Вялікага, дзе працаваў да лістапада 1917 года.
Вывучаць мастацтва пачаў ужо ў Талінскім гарадскім вучылішчы. У 1905—1907 гадах вучыўся ў Таліне ў Антса Лайкмаа, у 1912—1913 гадах на мастацкіх курсах Эстонскага мастацкага таварыства[1]. З 1913 года да канца жыцця працаваў у А. Лайкмаа[2].
Ствараў у асноўным творы па матывах эстонскага нацыянальнага эпаса “Калевіпаэг”[1].