У Вікіпедыі ёсць артыкулы пра іншых асоб з прозвішчам Равяка. Нэлі Валянцінаўна Равяка (5 студзеня 1942, г. Раднікі, Іванаўская вобласць, РСФСР) — беларускі архітэктар.
Скончыла Беларускі політэхнічны інстытут у 1965 годзе. Працавала ў Іжэўску, з 1978 года — старшы выкладчык кафедраў архітэктуры прамысловых будынкаў і горадабудаўніцтва Беларускага політэхнічнага інстытута.
Член Саюза архітэктараў СССР з 1971 года. Пражывае ў Мінску.
Асноўныя працы: корпус аўтавытворчасці (1970—1972, у аўтарскім калектыве), вадналыжная база мотазавода (1970), Воткінскі завод газавай апаратуры (1973, у аўтарскім калектыве) у Іжэўску.
Аўтар публікацый і метадычных прац па архітэктуры прамысловых будынкаў.