.mw-parser-output .t-geoinfobox td,.mw-parser-output .t-geoinfobox th{min-width:120px}.mw-parser-output .t-geoinfobox td:only-child,.mw-parser-output .t-geoinfobox th:only-child{text-align:center}.mw-parser-output .t-geoinfobox-name{font-size:110%;padding:2px}.mw-parser-output .t-geoinfobox-nickname{font-style:italic}.mw-parser-output .t-geoinfobox-cave th:only-child,.mw-parser-output .t-geoinfobox-mount th:only-child{background:#e7dcc3}.mw-parser-output .t-geoinfobox-surface th:only-child{background:#ffe4c4}.mw-parser-output .t-geoinfobox-blue th:only-child,.mw-parser-output .t-geoinfobox-water th:only-child{background:#c0daff}.mw-parser-output .t-geoinfobox-underwater th:only-child{background:#b0e0e6}.mw-parser-output .t-geoinfobox-green th:only-child{background:#d0f0c0}.mw-parser-output .t-geoinfobox-tomb th:only-child{background:#bbbbbb}.mw-parser-output .t-geoinfobox-yellow th:only-child{background:#fdeaa8}.mw-parser-output .t-geoinfobox-ny th:only-child{background:#cbd5c4;border:1px solid #aaaaaa}.mw-parser-output .t-geoinfobox-ny th:first-child:not(:only-child){background:#cbd5c4;text-align:right;padding:0 0.5em}.mw-parser-output .t-geoinfobox-grey th:only-child{background:#eaecf0}
Нуі (на мове тувалу Nui) — атол у складзе астравоў Тувалу на поўдні Ціхага акіяна. Належыць да дзяржавы Тувалу. Агульная плошча — 3,37 км². Насельніцтва — 610 чал. (2017 г.).
Атол Нуі — адзінае месца ў Палінезіі, насельнікі якога размаўляюць на мікранезійскай мове, блізкай да тунгару з вялікай колькасцю палінезійскіх слоў. Культура жыхароў Нуі мала адрозніваецца ад тувалу. Некаторыя даследчыкі гэта тлумачаць сталымі зносінамі з астатнімі насельнікамі астравоў Эліс, іншыя — фактам заваявання атола мікранезійцамі-мужчынамі, які быццам бы меў месца ў мінулым.
Атол адкрыты ў 1568 г. іспанцамі. З 1860 г. яго наведвалі брытанскія місіянеры. У 1891 г. быў усталяваны брытанскі пратэктарат. У 1978 г. увайшоў у склад незалежнай дзяржавы Тувалу.
На Нуі нарадзіўся Іакоба Італелі — генерал-губернатар Тувалу (з 16 красавіка 2010 г.).
Нуі — класічны атол, які складаецца з лагуны, акружанай колам каралавых астраўкоў. Іх атачае каралавы рыф. Усяго астраўкоў налічваецца 21. Самы вялікі Фенуа-Тапу мае плошчу ўсяго 1,38 км². Найвышэйшы пункт — 2 м.
Клімат трапічны пасатны. Сярэдняя гадавая тэмпература — каля 28° С. Атол знаходзіцца ў зоне ўздзеяння разбуральных трапічных цыклонаў.
Наземны раслінны і жывёльны свет бедны, аднак вакол атола і ў лагуне шмат рыбы. Малыя астравы — месца гнездавання марскіх птушак. На некаторых бязлюдных астравах — штучныя насаджэнні какосавай пальмы.
З боку лагуны адкрываюцца прыдатныя для купання пляжы.
У 2002 г. насельніцтва — 548 чал. Большасць жыве на захадзе Фенуа-Тапу ў вёсцы Танраке, якая лічыцца мясцовым адміністрацыйным цэнтрам. 1 пачатковая школа. 2 гэстхауса. На атоле ёсць свая футбольная каманда.