Артыкул пра консула 295 года. Пра консула 258 года гл. Марк Нумій Туск.
Ну́мій Туск (лац.: Nummius Tuscus) — рымскі дзяржаўны дзеяч канца III — пачатку IV стст., консул 295 года.
У 295 годзе быў прызначаны консулам разам з Аніем Анулінам. Займаў пасаду curator aquarum (наглядчык вадаправодаў), хутчэй за ўсё ўжо пасля свайго кансулату, у прамежку паміж 295 і 302 гг. З 19 лютага 302 года па 12 верасня 303 займаў пасаду прэфекта Рыма (пры імператарах Максіміяне і Канстанцыі Хлоры)[1].
Магчыма, яго бацькам быў консул 258 года Марк Нумій Туск, а стрыечным братам — Марк Нумій Цэёній Аній Альбін, гарадскі прэфект.