Нотынг-Хіл
Пра фільм гл. Нотынг-Хіл (фільм)
Но́тынг-Хіл (Notting Hill) — раён у Лондане, паўночная частка адміністрацыйнай акругі Кенсінгтон і Чэлсі.
Напачатку XIX стагоддзя сямейства Лэдброўкаў, якое валодала землямі на поўначы Кенсінгтона, наняло архітэктара Томаса Элама для ператварэння гэтай маларазвітай тэрыторыі на заходняй ускраіне Лондана ў раён элітнай нерухомасці на манер Белгравіі. Гэта зона віктарыянскай забудовы першапачаткова звалася Кенсінгтон-паркам. У 1837 годзе ў Паўночным Кенсінгтоне адкрыўся іпадром.
Напачатку XX стагоддзя Нотынг-хіл быў ціхім спальным раёнам, дзе пражывала значная доля лонданскага сярэдняга класа. Затым кошты на жыллё сталі падаць, а пасля бамбардзіровак люфтвафэ яго і зусім забудавалі трушчобамі. У паваенныя часы тут сталі сяліцца эмігранты — пераважна выхадцы з Міжземнамор’я і Карыбскага басейна, што прыводзіла да хваляванняў на глебе міжнацыянальнай варожасці.
У апошнія дзесяцігоддзі лонданскія ўлады распачалі высілкі па ліквідацыі ачага міжэтнічнай напружанасці ў Нотынг-Хіле. Ён быў добраўпарадкаваны і пераўтвораны ў рэспектабельны раён. Пра яго ранейшых жыхароў нагадвае штогадовы маляўнічы карнавал па ўзоры бразільскага.[1].
Зноскі
- ↑ У панядзелак у Лондане пачаўся фестываль, прысвечаны карыбскай культуры (Кантрабанда, 29 жніўня 2011 года)
Спасылкі
-
На Вікісховішчы ёсць медыяфайлы па тэме Нотынг-Хіл
Катэгорыя·Раёны Лондана
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96