Нонтхабуры (тайск. นนทบุรี) — горад у аднайменнай правінцыі Тайланда. Частка Вялікага Бангкока.
Насельніцтва на пачатку 2015 г. складала 257 тысяч чалавек. Знаходзіцца за 20 км на поўнач ад Бангкока на рацэ Чаўпхрая. Горад існаваў ужо ў аютхайскі перыяд гісторыі Тайланда. Ён двойчы мяняў сваё месцазнаходжанне. Спачатку ў 1665 годзе сіямскі цар Нараі перанёс Нонтхабуры да крэпасці Менам Ом, а ў 1928 годзе кароль Прачадзіпак (Рама VII) перамясціў яго на сучаснае месца.
З 1 студзеня 1943 па 9 мая 1946 года Нонтхабуры ўваходзіў у склад Бангкока.