Нова-Міхайлаўскі палац — помнік архітэктуры федэральнага значэння, вялікакняскі палац, размешчаны ў цэнтры Санкт-Пецярбурга па адрасе Дварцовая набярэжная, 18 і Мільённая вуліца, 19 (Шталмайстарскі корпус). Архітэктар — Андрэй Іванавіч Штакеншнейдэр, палац лічыцца трэцяй буйной вялікакняскай рэзідэнцыяй, збудаванай па праекце дойліда. Пабудаваны ў 1857—1862 гадах спецыяльна для вялікага князя Міхаіла Мікалаевіча — сына імператара Мікалая I. Будаўніцтва палаца звязана з жаніцьбай князя з Бадэнскай прынцэсай Цэцыліяй Аўгустай. У горадзе ўжо меўся адзін Міхайлаўскі палац, жыллё для Міхаіла было вырашана назваць Нова-Міхайлаўскім. У цяперашні час у палацы працуе шэраг устаноў РАН.