Нова-Калінкін мост — аўтадарожны арачны мост цераз Абводны канал у Адміралцейскім раёне Санкт-Пецярбурга, злучае Безыменны востраў і левы бераг канала. Мост уваходзіць у спіс аб’ектаў культурнай спадчыны Расіі рэгіянальнага значэння. Мост размяшчаецца па восі Стара-Пецяргофскага праспекта. Вышэй па цячэнні знаходзіцца Барысаў мост, ніжэй — мост Сцяпана Разіна. Бліжэйшая станцыя метрапалітэна (0,9 км) — «Нарвская». З 1828 года мост называўся Нарвскім, бо быў пабудаваны ў Нарвскай частцы горада. У 1849 годзе ўзнікла назва Новы Калінкінскі або Новы Калінкаўскі мост, ад двух іншых Калінкіных мастоў: Вялікага Калінкіна цераз Фантанку і Мала-Калінкіна цераз Екацярынінскі канал. Сучасная назва з’явілася ў 1857 годзе.