Некранутыя букавыя лясы Карпатаў
Некранутыя букавыя лясы Карпатаў — запаведны раён, размешчаны на тэрыторыі Славакіі (Гавешава, Стужыца, Рожак, Вігарлат) і Украіны, унесены ў 2007 годзе ў спіс Сусветнай спадчыны. Складаецца з дзесяці асобных запаведнікаў, размешчаных уздоўж восі даўжынёй у 185 кіламетраў, якая распасцраецца ад Рахоўскіх гор і Чарнагорскага масіва на Украіне, пераходзячы на захадзе ў горны Паланінскі хрыбет, уздоўж да Букоўскіх Врхоў і Вігарлат у Славакіі.
Усе дзесяць запаведнікаў — цудоўны ўзор некранутых лясоў, якія з’яўляюцца складанымі экасістэмамі ўмеранага кліматычнага пояса. Тут захаваліся ўмовы, якія дазваляюць праводзіць найбольш поўныя даследванні экалагічных структураў і працэсаў росту еўрапейскага бука ў розных месцах.
Букавыя лясы з’яўляюцца нецэнным генетычным сховішчам бука і іншых відаў жывой прыроды, якія існуюць з ім у суседстве, і залежаць ад абумоўленых экасістэмаў. Гэтыя лясы таксама сведчаць пра працэсы аднаўлення і развіцця зямных экасістэмаў і пасяленняў, якія пачаліся пасля апошняга ледніковага перыяду і працягваюцца да цяперашняга часу.
Гл. таксама
Тэмы гэтай старонкі (5):Катэгорыя·Сусветная спадчына ў Славакіі
Катэгорыя·Сусветная спадчына ва Украіне
Катэгорыя·Геаграфія Славакіі
Катэгорыя·Запаведнікі
Катэгорыя·Карпаты