На экранах
«На экра́нах» — беларускі часопіс.[1]
Апісанне
Выпускаецца дзяржаўным прадпрыемствам «Выдавецтва „Беларускі Дом друку“».
Заснаваны ў жніўні 1957 года. За мінулыя гады некалькі разоў змянілася назва выдавецтва і выданні, але нязменным заставаўся тэматычны кірунак часопіса: арыентаванне на прапаганду і папулярызацыю кінематографа. Часопіс асвятляе айчыннае і замежнае кіно, папулярнае, элітарнае, класіку і прэм’еры, конкурсы і фестывалі.
Стаяў ля вытокаў стварэння Мінскага МКФ «Лістапад». Мае пастаянную акрэдытацыю на найбольш прыкметных кінафорумах постсавецкай прасторы, а таксама на МКФ класа «А» (Венецыя і Берлін). Абавязковы прыярытэт выдання — беларускае кіно.
Змест часопіса спалучае кіназнаўчыя і папулярныя жанры, фотаматэрыялы, эксклюзіўныя інтэрв’ю з персонамі са свету кіно, выступленні як мэтраў, так і студэнтаў-кінематаграфістаў.
Як інфармацыйны партнёр Нацыянальнай кінастудыі «Беларусьфільм» стварае сумесныя акцыі часопіса, кінастудыі і Беларускага саюза кінематаграфістаў: спецыяльныя нумары, прысвечаныя прэм’ерам кінастудыі, майстрам нацыянальнага кінематографа і тэматычныя кінакаляндары.
Рэдкалегія
- Народны артыст Беларусі, кінарэжысёр А. В. Яфрэмаў[ru]
- музыказнаўца, кіназнаўца, кандыдат мастацтвазнаўства А. А. Карпілава
- кіназнаўца, кінакрытык, доктар мастацтвазнаўства А. В. Красінскі
- генеральны дырэктар Выдавецтва «Беларускі Дом друку» Р. С. Алейнік
- тэатразнаўца, доктар філалагічных навук Т. Д. Арлова
- кіназнаўца, кандыдат філалагічных навук, загадчык кафедры літаратурнай крытыкі інстытута журналістыкі БДУ Л. П. Саянкова
- кіназнаўца, галоўны рэдактар Нацыянальнай кінастудыі «Беларусьфільм» А. В. Сідарэнка
Зноскі
- ↑ Журнал “На экранах”, РУП (руск.) . 1info.by. Праверана 28 ліпеня 2019.
Спасылкі
На Вікісховішчы пакуль няма медыяфайлаў па тэме, але Вы можаце загрузіць іх- domdruku.by/ru/na-ekranah-ru/ — афіцыйны сайт «На экранах»
Катэгорыя·Часопісы на рускай мове
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вікіпедыя·Шаблон «Вонкавыя спасылкі» пусты
Катэгорыя·Часопісы Беларусі
Катэгорыя·Часопісы паводле алфавіта
Катэгорыя·Друкаваныя выданні, якія ўзніклі ў 1957 годзе