wd wp Пошук: ⬜

Нафтаправод Адэса-Броды

**Нафтаправод Адэса-Броды** — [нафтаправод](/Нафтаправод "Нафтаправод") на тэрыторыі [Украіны](/Украіна "Украіна") паміж горадам [Адэса](/Горад_Адэса "Горад Адэса") на [Чорным моры](/Чорнае_мора "Чорнае мора") і горадам [Броды](/Горад_Броды "Горад Броды") ў [Львоўскай вобласці](/Львоўская_вобласць "Львоўская вобласць"), дзе ажыццяўляецца стыкоўка з нафтаправодам «Дружба». Скончаны пабудовай у 2003, у выкарыстанні з 2004.

Пачаткова быў прызначаны для транспартавання нафты з Каспійскага басейна праз порт Адэсы на заходнееўрапейскі рынак праз Броды і Польшчу. З 2004 тымчасова выкарыстоўваецца ў адваротным кірунку, дзеля транспартавання расійскай нафты на сусветныя рынкі праз порт Адэсы.

Аператар — ААТ «Укртранснафта».

Характарыстыкі

Тэхнічныя характарыстыкі нафтаправоднай сістэмы «Адэса—Броды»:

• Даўжыня: 674 км
• Дыяметр: 1020 мм
• Пачатковая прапускная здольнасць: 14,5 млн т
• Прапускная здольнасць пасля ўвядзення 2-й чаргі: 45,0 млн т
• Галоўных насосных станцый: 1
• Колькасць насосных станцый пасля ўвядзення 2-й чаргі: 3
• Дэдвейт танкераў: да 100.000 т
• Ёмістасць рэзервуарнага парку 1-й чаргі: 200.000 м³
• Ёмістасць рэзервуарнага парку пасля ўвядзення 2-й чаргі: 600.000 м³

Літаратура

• Расійская замежная энергетычная палітыка — Беларусь…

Тэмы гэтай старонкі (3):
Катэгорыя·2004 год у Адэсе
Катэгорыя·З’явіліся ў 2004 годзе
Катэгорыя·Нафтаправоды Украіны