У Вікіпедыі ёсць артыкулы пра іншых асоб з прозвішчам Штраус.
Натан Штраус (ням. Nathan Straus, 31 студзеня 1848 — 11 студзеня 1931) — амерыканскі прамысловец, філантроп, гуманіст, саўладальнік найбуйнейшай амерыканскай сеткі ўнівермагаў: «RH Macy & Co». а таксама ўладальнік сеткі ўнівермагаў «Abraham & Straus». Вялікую частку сваіх актываў ахвяраваў на сіянісцкі рух, на бібліятэкі і ахову здароўя. Актыўна выступаў за абавязковую пастэрызацыю малака. Пабудаваў станцыі пастэрызацыі малака ў 36 гарадах ЗША. Ім былі адкрыты дзіцячыя медыцынскія цэнтры ў Тэль-Авіве і Іерусаліме. Імя Натана Штрауса з 1927 года носіць Натанія — горад у Ізраілі, найбуйнейшы курорт міжземнаморскага ўзбярэжжа.