У Вікіпедыі ёсць артыкулы пра іншых асоб з прозвішчам Александровіч.
Наталля Пятроўна Александровіч (1 снежня 1950) — беларускі археазаолаг, біёлаг-сістэматык, марфолаг. Кандыдат біялагічных навук (1999 г.).
Скончыла БДУ (1974 г.). У 1976 — 1994 гг. працавала ў Інстытуце гісторыі НАН Беларусі малодшым навуковым супрацоўнікам аддзела археалогіі сярэднявечнага перыяду. Тэма кандыдацкай дысертацыі: «Остеологическая оценка географической и хронологической изменчивости охотничьих млекопитающих средневековой Беларуси».
Даследавала праблему жывёлагадоўлі і палявання насельніцтва сярэдневяковых гарадоў і замкаў Беларусі X — XVII стст. Склала аснову эталонай калекцыі астэалагічных рэшткаў млекакормячых з раскопак з археалагічных помнікаў Беларусі. Упершыню прымяніла кластэрны аналіз пры апрацоўцы касцявога матэрыялу, распрацавала крытэрыі і прапанавала выкарыстоўваць каэфіцыент насычанасці косткамі культурных пластоў.