У Вікіпедыі ёсць артыкулы пра іншых асоб з прозвішчам Шахлевіч. Наталля Міхайлаўна Шахлевіч (нар. 31 сакавіка 1970, г. Мінск) — беларускі архітэктар.
Скончыла дзіцячую мастацкую школу № 1 і Мастацкі навучальна-вытворчы камбінат г. Мінска; у 1992 годзе скончыла архітэктурны факультэт БПІ па спецыяльнасці «Архітэктура» (горадабудаўніцтва). У творчым супрацоўніцтве з А. Касцюкевіч абараніла дыплом па добраўпарадкаванні тэрыторыі і арганізацыі прадмета-прасторавага асяроддзя Нясвіжскага музейна-мемарыяльнага комплексу.
У 1992—1997 гадах працавала ў Беларускім філіяле Усесаюзнага НДІ тэхнічнай эстэтыкі ў аддзеле комплекснага праектавання прадметна-прасторавага асяроддзя прамысловых аб’ектаў, інтэр’ераў і рабочых прастор аператыўна дыспетчарскага кіравання ў энергасістэмах Беларусі і СНД; у 1998—2006 гадах вядучы дызайнер дызайн—цэнтра з доследна-эксперыментальнымі майстэрнямі «Белэнергабуддызайн» трэста «Белэнергабуд»; з 2006 года вядучы архітэктар філіяла «ЭнергаДызайнПраект» ААТ «Белэнергабуд»; з 2012 года галоўны архітэктар праектаў турэцкай кампаніі АК «EMSAS».
Асноўныя працы — інтэр’еры Міністэрства энергетыкі Рэспублікі Беларусь; — арганізацыя рабочых прастор і абсталяванне рабочых месцаў аператыўна-эксплуатацыйнага персанала пры рэканструкцыі і мадэрнізацыі энерга аб’ектаў Мінскіх кабельных сетак, Мінскіх ЦЭЦ-2, −3, −5, Гомельскай ЦЭЦ-2; праекты рэканструкцыі і мадэрнізацыі адміністрацыйнага будынку «Мінскводаканала», будынкі на вуліцы Машынабудаўнікоў, уваходнай групы збудаванняў прадпрыемства ААТ «Белэнергабуд» на вул. Чычэрына 19, адміністрацыйна-бытавога комплексу будуемай Беларускай АЭС, будынкі помпавай «Мінскводаканала», распрацоўка 8 праектаў «Капітальны рамонт жылых дамоў» з аўтарскім наглядам пры ўводзе гэтых аб’ектаў у эксплуатацыю; удзел у праектаванні і будаўніцтве гасцініцы «Прэзідэнт-гатэль», будаўніцтве гасцініцы «Рэнесанс» (Марыят), гасцінічнага комплексу аквапарка; удзел у праектаванні, будаўніцтве і арганізацыі экспазіцыі Цэнтральнага музейна-мемарыяльнага комплексу гісторыі, культуры і тэхнікі Беларускай энергасістэмы на Беларускай ДРЭС, музеяў Магілёўскай энергасістэмы і Стаўбцоўскіх электрычных сетак; удзел у распрацоўцы дызайну кніг, праспектаў і брашур па гісторыі айчыннай энергетыкі і г Мінска; — аўтарская распрацоўкі экспазіцый (стэндаў) Мінскіх Міжнародных выставак-кірмашоў і выстаўкі «CMI у Беларусі».