У Вікіпедыі ёсць артыкулы пра іншых асоб з прозвішчам Дамянікава. Наталля Вітольдаўна Дамянікава (11 снежня 1958, г. Магілёў) — беларускі народны майстар саломапляцення.
У 1986—2004 гадах на Магілёўскай фабрыцы мастацкіх вырабаў распрацоўвала ўзоры-эталоны сувенірных вырабаў з саломы.
Творчасць Дамянікавай адметная сучаснай інтэрпрэтацыяй традыцый мастацкай апрацоўкі саломы. Яе лялькі, букеты, дэкаратыўныя кампазіцыі вылучаюцца разнастайнасцю прыёмаў пляцення, адмысловасцю форм і дэкору. Удзельнік, прызёр, лаўрэат многіх выставак, фестываляў, конкурсаў, у т.л. нацыянальныя выстаўкі народнага мастацтва «Жывыя крыніцы» (2006).