Наезнік жоўты (Ophion luteus) — від наезнікаў з сямейства Іхнеўманіды (Ichneumonidae).
Цела даўжынёй 15-20 мм, светла-карычневага колеру. Брушка пляскатае па баках. Вочы чорныя.
Вельмі часта сустракаецца ў канцы лета і восенню ў Заходняй Еўропе. Насяляе на лугах і лясных палянах.
Актыўны ноччу, лётае ў пошуках гаспадара для лічынак. Лічынкі паразітуюць унутры вусеняў розных відаў матылькоў. Першапачаткова яны не ядуць жыццёва важныя часткі гаспадара, дазваляючы вусеняў расці. Затым лічынкі з’ядаюць ўнутраныя органы гаспадара, тым самым забіваючы яго, пасля чаго акукляюцца. Дарослыя насякомыя выходзяць з астанкаў вусеня. У годзе бывае два пакалення.