Навукова-практычны цэнтр НАН Беларусі па бульбаводстве і плодаагародніцтве — установа ў структуры Нацыянальнай акадэміі навук Беларусі.
Установа вядзе работу ў галіне селекцыі, насенняводства і тэхналогій вытворчасці бульбы, пладовых, ягадных і агароднінных культур. Асноўнымі напрамкамі дзейнасці ўстановы з’яўляюцца: стварэнне прынцыпова новых гатункаў і гібрыдаў бульбы, пладовых, ягадных і агароднінных культур; распрацоўка мэтавых экалагічна бяспечных рэсурсазберагальных тэхналогій вытворчасці бульбы, пладовых і агароднінных культур; забеспячэнне сортазмены і сортаабнаўлення за кошт паскоранай вытворчасці арыгінальнага насеннага і пасадачнага матэрыялу; навуковае забеспячэнне галін бульбаводства і плодаагародніцтва для павышэння іх эканамічнай эфектыўнасці, канкурэнтаздольнасці і забеспячэння ў поўным аб’ёме патрэбнасці Беларусі ў высакаякаснай бульбе, пладах і агародніне.