Набіс
Набіс (стар.-грэч.: Νάβις) — спартанскі тыран у 207-192 да н.э. Паходзіў з роду Еўрыпантыдаў. Правёў шэраг радыкальных сацыяльных мерапрыемстваў: частку алігархаў выгнаў, некаторых пакараў смерцю; канфіскаваў землі буйных землеўладальнікаў і раздаў іх беззямельным спартыятам і ілотам, уключаным ім у склад грамадзян. Пашырэнне Набісам колькасці грамадзян спрыяла ўзмацненню спартанскай арміі. У захопленым ім Аргасе былі праведзены такія ж рэформы. Набіс спрабаваў захапіць і Месенію. Пагроза распаўсюджвання сацыяльных рэформаў па ўсім Пелапанесе выклікала вайну супраць Набіса з боку Ахейскага саюза, на дапамогу якому прыйшоў рымскі палкаводзец Ціт Квінкцый Фламінін. Пасля заключэння ў 195 г.да н.э. міру ўлада Набіса была абмежаваная. Спроба ўзяць рэванш, аднавіўшы вайну з Ахейскім саюзам, скончылася паразай на сушы і на моры. Набіс быў забіты, а Спарта неўзабаве далучана да Ахейскага саюзу.
Зноскі
Спасылкі
На Вікісховішчы ёсць медыяфайлы па тэме Набіс
| Папярэднік: Пелап |
Цар Спарты узурпатар 207 — 192 да н.э. |
Пераемнік: — |
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Нарадзіліся ў Спарце
Катэгорыя·Нарадзіліся ў III стагоддзі да н.э.
Катэгорыя·Памерлі ў 192 годзе да н.э.
Катэгорыя·Вікіпедыя·Старонкі з неадназначнымі геаланцужкамі
Катэгорыя·Кіраўнікі Еўропы II стагоддзя да н.э.
Катэгорыя·Асобы
Катэгорыя·Цары спартанскія