Міхаіл Юрый Чартары́йскі (1621 — 13 красавіка 1692) — дзяржаўны дзеяч ВКЛ і Рэчы Паспалітай.
Паходзіў з роду Чартарыйскіх, сын Мікалая Юрыя.
Ваявода брацлаўскі ў 1658—61, валынскі ў 1661—80 і сандамірскі з 1680. Удзельнік войнаў супраць украінскіх казакоў (1649, 1651, 1653), кампаніі супраць Расіі (1660). Прыхільнік караля Міхаіла Вішнявецкага. У 1678 удзельнічаў у пасольстве ў Маскву для зацвярджэння Андросаўскага перамір’я (1667). Падтрымліваў прааўстрыйскую палітыку караля Яна III Сабескага.