У Вікіпедыі ёсць артыкулы пра іншых асоб з прозвішчам Герчык. Міхаіл Навумавіч (Майсей Беньямінавіч) Герчык (7 чэрвеня 1932, Бабруйск — 3 чэрвеня 2008, Мінск) — беларускі савецкі пісьменнік і паэт, сцэнарыст[1].
Бацька загінуў у 1942 пры абароне Масквы. Скончыў 15-ю сярэднюю школу ў Бабруйску. У 1953 скончыў педагагічнае вучылішча ў Мінску і ў 1958 — факультэт журналістыкі БДУ. Працаваў у рэдакцыі газет Беларусі і на радыё. Аўтар сцэнарыю да фільма «Навучыся танчыць»[2]. Узнагароджаны граматай Вярхоўнага Савета Беларусі. З 1964 года — сябар Саюза пісьменнікаў СССР[3].
Пісаў на рускай і на беларускай мовах. Перакладаўся на польскую, балгарскую, румынскую, латышскую, украінскую, узбекскую і іншыя мовы.