У Вікіпедыі ёсць артыкулы пра іншых асоб з прозвішчам Бяляеў.
Мітрафан Пятровіч Бяляеў (10 (22) лютага 1836 г., Санкт-Пецярбург — 28 снежня 1903 (10 студзеня 1904), там жа) — рускі лесапрамысловец, музычны выдавец і мецэнат, заснавальнік Бяляеўскага гуртка, які аб’яднаў многіх выбітных музыкантаў.
Заснаваў «Глінкінскія прэміі» (1884), ладзіў конкурсы (з прэміямі) на лепшае сачыненне камернага жанру (з 1892). У 1885 годзе арганізаваў «Агульнадаступныя рускія сімфанічныя канцэрты», у 1891 годзе — «Рускія квартэтныя вечары» (з 1898 старшыня таварыства камернай музыкі). У 1885 годзе заснаваў нотавыдавецтва «М. П. Бяляеў у Лейпцыгу», якое друкавала выключна сачыненні рускіх кампазітараў.