У Вікіпедыі ёсць артыкулы пра іншых асоб з прозвішчам Казак. Мікалай Пятровіч Казак (нар. 8 верасня 1977, Віцебск) — беларускі спартсмен, член зборнай каманды Рэспублікі Беларусь па скачках на батуце. Майстар спорту Рэспублікі Беларусь міжнароднага класа.
У 2002 годзе скончыў Віцебскі дзяржаўны ўніверсітэт імя П. М. Машэрава, а таксама Віцебскае вучылішча алімпійскага рэзерву.
Чэмпіён свету па скачках на батуце 1994 года ў камандных спаборніцтвах, 2003 і 2005 гг. — у сінхронных скачках. Сярэбраны прызёр чэмпіянату свету па скачках на батуце 1996 і 1998 гг. у камандных спаборніцтвах, 1998 года — у індывідуальных і сінхронных скачках, 2009 года — у камандных спаборніцтвах. Бронзавы прызёр чэмпіянату свету 1994 года ў індывідуальных скачках, 2011 года — у сінхронных скачках, 2015 года — у камандных спаборніцтвах. Чэмпіён Еўропы па скачках на батуце 1993 і 1995 гг. у камандных спаборніцтвах, 2008 года — у сінхронных скачках. Сярэбраны прызёр чэмпіянату Еўропы па скачках на батуце 1998 года ў сінхронных скачках, 2000 і 2004 гг. — у камандных спаборніцтвах. Бронзавы прызёр чэмпіянату Еўропы па скачках на батуце 2004 года ў індывідуальных скачках, 2006 года — у камандных спаборніцтвах. Чэмпіён Еўропы сярод юніёраў 1994 года ў камандных спаборніцтвах.