Мікалай Паўлавіч Палеціка (17 красавіка 1896, г. Канатоп, Сумская вобласць, Украіна — 25 сакавіка 1988, г. Іерусалім) — гісторык, эканаміст. Доктар гістарычных навук (1942), кандыдат эканамічных навук (1937).
Скончыў Кіеўскі ўніверсітэт (гісторыка-філалагічны факультэт, 1919), Ленінградскі дзяржаўны ўніверсітэт (спецыяльнасць «Сусветная гаспадарка і сусветная палітыка», 1924).
Працаваў у газеце «Ленинградская правда» і інш. (1923—1928), Ленінградскім тапаграфічным тэхнікуме (1929—1931), Ленінградскім інстытуце грамадзянскага і паветранага флоту (1930—1936), Ленінградскім дзяржаўным універсітэце (1936—1951), Сярэднеазіяцкім дзяржаўным універсітэце (1951—1953), Беларускім дзяржаўным універсітэце (1953—1972).
З 1973 годзе жыў у Ізраіле.
Навуковыя інтарэсы: гісторыя міжнародных адносін; гісторыя і крыніцазнаўства Першай сусветнай вайны; эканоміка авіяцыі.