У Вікіпедыі ёсць артыкулы пра іншых асоб з прозвішчам Калюноў. Мікалай Міхайлавіч Калюноў (14 мая 1907, в. Вёдрава, Раднікоўскі раён, Іванаўская вобласць, Расія — 18 лютага 1972, г. Мінск, БССР) — беларускі ўрач лячэбнай фізічнай культуры. Дацэнт (1954).
Скончыў Цэнтральны інстытут фізічнай культуры (Масква, 1930), Іванаўскі медыцынскі інстытут (1945).
Працаваў у Іванаўскім тэхнікуме фізічнай культуры (1930—1941, дырэктар), Іванаўскім медыцынскім інстытуце (1930—1941, 1942—1944, з 1942 — загадчык кафедры агульнавайсковай падрыхтоўкі), Іванаўскім абласным камітэце па справах фізічнай культуры і спорту (1944—1948, старшыня), Маскоўскім тэхнікуме фізічнай культуры (1948—1949, дырэктар), Беларускім дзяржаўным інстытуце фізічнай культуры (1949—1962, рэктар, адначасова ў 1951—1959 — загадчык кафедры гігіены і лячэбнай фізкультуры), Мінскім дзяржаўным медыцынскім інстытуце (у 1962—1965 — загадчык кафедры фізічнага выхавання, 1964—1970 — кафедры ўрачэбнага кантролю і лячэбнай фізкультуры, 1970—1972 — дацэнт кафедры).
Навуковыя інтарэсы: праблемы лячэбнай фізкультуры; урачэбны кантроль.
Памёр у Мінску, пахаваны на могілках «Чыжоўка».