Мікалай Мікалаевіч Раманаў Старэйшы (27 ліпеня 1831, Царскае Сяло — 13 красавіка 1891, Алупка, Ялцінскі павет Таўрычаская губерня) — вялікі князь, трэці сын Мікалая I.
У 1856 г. у Пецярбургу ажаніўся з Аляксандрай Фрыдэрыкай Вільгельмінай (у праваслаўі — Аляксандра Пятроўна), старэйшай дачкой герцага альдэнбургскага Канстанціна Фрыдрыха Пятра. Прыметнік «Старэйшы» атрымаў дзеля адрознення ад свайго сына, таксама Мікалая Мікалаевіча. Генерал-фельдмаршал рускай арміі.