wd wp Пошук:

Мікалай Ільіч Гушчын

У Вікіпедыі ёсць артыкулы пра іншых асоб з прозвішчам Гушчын. Мікалай Ільіч Гушчын (каля 1848 — 14 верасня 1904) — інжынер-архітэктар.

Біяграфія

Дзяцінства і адукацыя

Нарадзіўся каля 1848 года. У 1872[1] годзе скончыў Маскоўскае вучылішча жывапісу, скульптуры і дойлідства са званнем некласнага мастака[2].

Прафесійная дзейнасць

Прафесійную кар’еру пачаў у Маскве, дзе плённа працаваў на працягу больш за дваццаці гадоў[1]. З 1874 па 1876 год прымаў удзел у працах па пашырэнні Выхаваўчага дома(руск.) бел., пасля чаго, 3 лістапада 1876, атрымаў званне ганаровага члена маскоўскага савета дзіцячых прытулкаў. Пазней выконваў перабудовы Андрэеўскай багадзельні і займаўся планіроўкай Ямской Каломенскай слабады(руск.) бел.[2].

Служыў пры Міністэрстве ўнутраных спраў. Вядома, што 31 кастрычніка 1880 года яго вырабілі ў калежскія рэгістратары, а ў 1883 годзе ў калежскія сакратары. У маі 1896 года сям’я Гушчыных пераехала ў Віцебск, дзе Мікалай Ільіч уступіў на пасаду малодшага інжынера віцебскага губернскага будаўнічага аддзялення[3].

У 1898 годзе заняў пасаду малодшага архітэктара будаўнічага аддзялення Краснаярскага абласнога праўлення[4].

Праз два гады загадам Міністэрства ўнутраных спраў ад 7 лютага 1898 года пераведзены ва Уладзівасток, дзе прызначаны малодшым архітэктарам будаўнічага аддзялення Прыморскага абласнога праўлення. М. Гушчын займаўся даследаваннямі і складаннем праектаў і каштарысаў пад’язных грунтавых дарог да станцый Свіягіна(руск.) бел. і Спаскае(руск.) бел.[2][5]. У 1899 годзе ў час камандзіроўкі ў Нікалаеўск-на-Амуры праводзіў тэхнічны агляд і прыём прац па будаўніцтве Нікалаеўскай турмы і займаўся складаннем каштарысу для праекта па пабудове Нікалаеўскай грамадзянскай бальніцы. 17 ліпеня 1900 года загадам па грамадзянскай ведамству за № 58 за выслугу гадоў Мікалай Ільіч быў выраблены ў калежскія асесары[6].

Сям’я

У Маскве Гушчын ажаніўся з Лізаветай Паўлаўнай Чурылінай, якая нарадзіла яму траіх сыноў: Уладзіміра — 13 студзеня 1875, Мікалая — 22 снежня 1875 і Паўла — 14 мая 1886 года[2].

Зноскі

  1. 1 2 Базилевич М. ХУДОЖНИКИ АРХИТЕКТУРЫ НА ДАЛЬНЕМ ВОСТОКЕ(ПЕРВАЯ ПОЛОВИНА XIX – НАЧАЛО XX ВВ.)(недаступная спасылка) (руск.)
  2. 1 2 3 4 М. Е. Базилевич. Строительное отделение и областная чертежная при Приморском генерал-губернаторстве (1884—1917 гг.) (руск.)
  3. Памятная книжка по Витебской губернии на 1898 год. Стр. 27 (руск.)
  4. РДГА ДУ. Ф. 1, Воп. 1, справы 2177, 2220, 6059
  5. Крадин Н. П.(руск.) бел. АРХИТЕКТОРЫ И ИНЖЕНЕРЫ ВОСТОЧНЫХ ОКРАИН (Дальний Восток, Забайкалье, Якутия, Китай) 765 персоналий. Рукопись.
  6. РДГА ДУ. Ф. 1. Воп. 14, Спр. 269
Тэмы гэтай старонкі (17):
Катэгорыя·Артыкулы пра архітэктараў без месца працы
Катэгорыя·Архітэктары паводле алфавіта
Катэгорыя·Архітэктары Віцебска
Катэгорыя·Нарадзіліся ў 1848 годзе
Катэгорыя·Вікіпедыя·Артыкулы з непрацоўнымі спасылкамі
Катэгорыя·Асобы
Катэгорыя·Архітэктары Нікалаеўска-на-Амуры
Катэгорыя·Вікіпедыя·Шаблон «Вонкавыя спасылкі» пусты
Катэгорыя·Архітэктары Беларусі
Катэгорыя·Вікіпедыя·Артыкулы пра асоб, для якіх не існуюць старонкі віду «Імя Прозвішча»
Катэгорыя·Архітэктары Уладзівастока
Катэгорыя·Памерлі 14 верасня
Катэгорыя·Артыкулы пра архітэктараў без ілюстрацый на Вікісховішчы
Катэгорыя·Памерлі ў 1904 годзе
Катэгорыя·Вікіпедыя·Запыты на пераклад з рускай
Катэгорыя·Артыкулы пра архітэктараў без партрэтаў
Катэгорыя·Выпускнікі Маскоўскага вучылішча жывапісу, разьбярства і дойлідства