Мядзвя́дскі сельсавет — былая адміністрацыйна-тэрытарыяльная адзінка ў складзе Мірскага раёна Гродзенскай вобласці. Цэнтр — вёска Вялікая Мядзвядка.
Утвораны 17 лістапада 1948 года ў складзе Мірскага раёна Баранавіцкай вобласці БССР шляхам разбуйнення Жухавіцкага сельсавета, у склад сельсавета ўвайшлі вёскі Вялікая Мядзвядка, Малая Мядзвядка, Хлюпічы, пасёлкі Берасцянка, Дунчыцы, Самотны, Светлікі і Хамічы[1].
З 8 студзеня 1954 года ў складзе Гродзенскай вобласці. 16 ліпеня 1954 года скасаваны, тэрыторыя далучана да Жухавіцкага сельсавета[2].