Лясная мышоўка (Sicista betulina) — млекакормячая жывёла падсямейства мышоўкавых.
Даўжыня цела да 7,5, хваста да 10 см. Поўсць зверху жаўтавата-карычневая, знізу белая, уздоўж спіны чорная палоса.
Водзіцца ў вільготных лісцевых і мяшаных лясах, хмызняках (у т.л. на Беларусі). Актыўная з мая да верасня. Корміцца ягадамі, насеннем, насякомымі. За год дае 1 прыплод (3—6 дзіцянят). Зімой у спячцы.