Мухаве́цкі сельсавет — адміністрацыйна-тэрытарыяльная адзінка ў складзе Брэсцкага раёна Брэсцкай вобласці Беларусі. Адміністрацыйны цэнтр — аграгарадок Мухавец.
Утвораны 12 кастрычніка 1940 года як Жыравецкі сельсавет у складзе Брэсцкага раёна Брэсцкай вобласці БССР. Цэнтр — Жыравецкая Камяніца. 20 верасня 1971 года перайменаваны ў Мухавецкі, цэнтр перанесены ў пасёлак Мухавец[1].
У склад сельсавета ўваходзяць 14 населеных пунктаў:
Населены пункт | Статус | Насельніцтва | Паштовы індэкс |
---|---|---|---|
Ваўкі | вёска | 17 | 224010 |
Вулька-Застаўская | вёска | 24 | 225042 |
Гулі | вёска | 25 | 224010 |
Забалацце | вёска | 151 | 225042 |
Закій | вёска | 50 | 225042 |
Заслучна | вёска | 81 | 225006 |
Камяніца-Жыровецкая | вёска | 310 | 225042 |
Літвіны | вёска | 12 | 224010 |
Лозы | вёска | 9 | 224010 |
Мухавец | пасёлак | 2178 | 225006 |
Падлессе-Камянецкае | вёска | 142 | 225006 |
Падлессе-Радваніцкае | вёска | 95 | 225006 |
Сямісосны | вёска | 19 | 224010 |
Херма | вёска | 3 | 224010 |
На 1 студзеня 1974 года ў складзе сельсавета было 15 населеных пунктаў[2]. У 1976 годзе скасавана вёска Кунахі (злілася з вёскай Жыравецкая Камяніца)[3].
Насельніцтва сельсавета паводле перапісу 2009 года — 3116 чалавек[4], з іх 85,1 % — беларусы, 9,0 % — рускія, 4,6 % — украінцы[5].