Мустафа Мухумед Амар (самал.: Mustafe Muxumed Cumar) — прэзідэнт эфіопскага штата Самалі, намеснік старшыні Самалійскай народна-дэмакратычнай партыі, член Партыі росквіту[1][2][3].
Нарадзіўся ў 1972 годзе ў горадзе Аварэ. Належыць да клана Агадэн.
Спачатку наведваў пачатковую і сярэднюю школу ў Аварэ. Аднак хутка яго сям’я пераехала ў Дэгабур, і сярэднюю адукацыю ён скончыў там. Затым вучыўся ў Адыс-Абебскім універсітэце, атрымаў ступень бакалаўра эканомікі. Таксама атрымаў ступень магістра эканомікі сельскай гаспадаркі ў Імперскім каледжы Лондана[4].
Пасля Мустафа стаў выкладчыкам у каледжы Джыджыга. Пазней дарос да намесніка рэгіянальнага кіравання адукацыі. Працаваў з міжнароднымі няўрадавымі арганізацыямі на розных пасадах, такіх як Save the Children, Oxfam і OCHA. Падчас працы ў ААН на пасадзе саветніка каардынатара па гуманітарных пытаннях у Самалі крытыкаваў свайго папярэдніка на пасадзе прэзідэнта Самалійскага рэгіёну Абдзі Махамуда Амара[5].
22 жніўня 2018 года прызначаны выконваючым абавязкі кіраўніка Эфіопскага Самалі.