Мечысла́ў Браніслававіч Гой (нар. 14 чэрвеня 1963, в. Шлавенцы, Воранаўскі раён, Гродзенская вобласць, БССР, СССР) — беларускі палітычны дзеяч, старшыня Гродзенскага гарадскога выканаўчага камітэта (з 11 жніўня 2014 года).
Мечыслаў Гой нарадзіўся 14 чэрвеня 1963 года ў вёсцы Шлавенцы Воранаўскага раёна Гродзенскай вобласці[1]. У 1989 годзе скончыў Беларускі інстытут механізацыі сельскай гаспадаркі, а затым працаваў галоўным інжынерам калгаса імя Леніна.
Займаў пасаду старшыні сельскагаспадарчага вытворчага кааператыва «Агра-правожа». У 2004 годзе атрымаў другую вышэйшую адукацыю — скончыў Акадэмію кіравання пры Прэзідэнце Рэспублікі Беларусь. У 2004 годзе быў прызначаны старшынёй Смаргонскага райвыканкама[2]. Дэпутат Воранаўскага раённага і Забалацкага сельскага саветаў дэпутатаў[3].
11 жніўня 2014 года прызначаны старшынёй Гродзенскага гарадскога выканаўчага камітэта[4].
Жанаты, мае траіх дзяцей[5].