Механахімія або механічная хімія — раздзел хіміі, які вывучае змяненне ўласцівасцяў рэчываў і іх сумесяў, а таксама фізіка-хімічныя ператварэнні пры механічных уздзеяннях (у млынах, дэзынтэгратарах, на вальцах, у экстрударах і г. д.), пры дэфармаванні, трэнні, ударным сціску. Механахімія ўяўляе сабой чацвёрты спосаб выклікаць хімічныя рэакцыі, дапаўняючы цеплавыя рэакцыі ў вадкасцях, фотахімію і электрахімію. Традыцыйна механахімія засяроджваецца на ператварэннях кавалентных сувязей пад дзеяннем механічнай сілы.