Мглінскі павет — адміністрацыйна-тэрытарыяльная адзінка ў складзе Ноўгарад-Северскага намесніцтва, Маларасійскай, Чарнігаўскай і Гомельскай губерняў, існавала ў 1781—1922 гг. Цэнтр — Мглін.
Мглінскі павет быў сфарміраваны на тэрытарыяльнай аснове соценнага дзялення Старадубскага палка і ўвайшоў у склад Ноўгарад-Северскага намесніцтва. У 1796 г., пасля скасавання намесніцтва, павет увайшоў у склад Маларасійскай, а з 1802 г. — Чарнігаўскай губерняў.
У 1919 г. разам з іншымі паветамі Старадубшчыны быў уключаны ў склад новастворанай Гомельскай губерні РСФСР. У тым жа годзе са складу павета быў выдзелены новы Почапскі павет, а ў 1922 г. астатняя частка павета была падзелена паміж Почапскім і Клінцоўскім паветамі.