Марыя Партугальская (15 кастрычніка 1527, Каімбра — 12 ліпеня 1545, Вальядалід) — партугальская прынцэса, першая жонка караля Іспаніі Філіпа II.
Бацькамі Марыі былі кароль Партугаліі Жуан III і Кацярына Аўстрыйская.
Шлюбная цырымонія паміж Марыяй і Філіпам адбылася ў 1543 годзе. Паколькі яны былі блізкімі сваякамі, Філіп быў кузенам Марыі, для іх шлюбу патрабаваўся папскі дыспенс, які і быў без ускладненняў атрыманы. Яна нарадзіла спадкаемца прастола дона Карласа, які аднак быў фізічна і душэўна хворым, што магчыма з’яўлялася следствам блізкага сваяцтва з мужам. Марыя памерла неўзабаве пасля нараджэння сына.