Маргарэт Карлстэт (швед. Margareta Carlstedt, поўнае імя Margareta Nilsdotter Carlstedt; нар. 7 чэрвеня 1934) — шведская мастачка і графік.
Нарадзілася ў Стакгольме. Вучылася дэкаратыўнаму жывапісу ў стакгольмскім мастацка-прамысловым каледжы Konstfack у 1951—1956 гадах, пасля чаго пачала прафесійную дзейнасць. Член шведскай Нацыянальнай арганізацыі мастакоў (Konstnärernas riksorganisation) і яе старшыня ў 1972—1974 гадах.
Маргарэт Карлстэт выконвае розныя віды работ: роспіс габеленаў, творы на кардоне, шкле і бетоне, а таксама манументальныя творы ў выглядзе фрэсак і вітражоў. З эмалевых фарфоравых плітак стварае творы ў грамадскіх месцах. Яе праца на стакгольмскай станцыі метро Mälarhöjden, выкананая ў 1965 годзе, дасягае даўжыні 145 метраў.
Выстаўляецца ў шведскіх гарадах. Некаторыя з яе работ прадстаўлены ў Музеі сучаснага мастацтва ў Стакгольме і ў музеі Skissernas museum ў Лундзе.
Тэмы гэтай старонкі (8):