Мантсерат Кабалье[10], поўнае імя Марыя дэ Мантсерат Вівіян Кансепсьён Кабалье і Фолк (катал.: Maria de Montserrat Viviana Concepción Caballé i Folch; 12 красавіка 1933, Барселона, Іспанія — 6 кастрычніка 2018, Барселона, Іспанія[11]) — іспанская каталонская оперная спявачка (сапрана). Вядомая, у першую чаргу, сваёй тэхнікай бельканта і выкананнем роляў у класічных італьянскіх операх Расіні, Беліні і Даніцэці.
Аматарам рок-музыкі вядомая па сумеснаму альбому з вакалістам гурта «Queen» Фрэдзі Мерк’юры — «Barcelona» (1988). Загалоўная песня, прысвечаная роднаму гораду Кабалье — Барселоне, стала адной з двух афіцыйных песень Летніх Алімпійскіх гульняў 1992 года, якія праходзілі ў сталіцы Каталоніі.
У 1997 годзе сумесна з швейцарскім рок-гуртам Gotthard была запісаная рок-балада «One Life One Soul».
Афіцыйны сайт (англ.) (ням.)
Неафіцыйны сайт (англ.)
На Вікісховішчы ёсць медыяфайлы па тэме Мантсерат Кабалье