Малы Болцік — возера ў Мядзельскім раёне Мінскай вобласці, за 31 км на паўночны захад ад горада Мядзел, за 1,6 км на паўночны ўсход ад вёскі Яцыны. Належыць да басейна Страчы, злучана пратокай з возерам Вялікі Болцік.
Плошча паверхні 0,03 км², даўжыня 0,3 км, максімальная шырыня 0,13 км, сярэдняя — 0,11 км. Найбольшая глыбіня 6 м, сярэдняя — 2,8 м. Даўжыня берагавой лініі 0,68 км.
Вадазбор буйнаўзгорысты, пад лесам, схілы вышынёй 10—15 м. Берагавая лінія акруглая. Паўднёвы бераг высокі, зліваецца са схілам, астатнія нізкія, забалочаныя, паўднёва-заходні — сплавінны. Літараль паўднёвага берага вузкая пясчана-глеістая. Возера слабазарастаючае. На поўначы выцякае пратока ў возера Вялікі Болцік. Вада возера гідракарбанатна-кальцыевая, сярэднемінералізованая (мінералізацыя — 2,92 г/л), pH=7,8.