У Вікіпедыі ёсць артыкулы пра іншых асоб з прозвішчам Нільсан.
Май-Брыт Нільсан (швед. Maj-Britt Nilsson, 11 снежня 1924, Стакгольм, Швецыя — 19 снежня 2006, Каны, Францыя) — шведская актрыса тэатра і кіно.
Нарадзілася ў Стакгольме. Вучылася акцёрскаму майстэрству ў школе драматычнага майстэрства пры Каралеўскім драматычным тэатры. У 1950-я знялася ў трох фільмах Інгмара Бергмана: «Да радасці» (1950), «Летняя інтэрлюдыя» (1951) і «Жанчыны чакаюць» (1952).
Працавала ў Каралеўскім драматычным тэатры, пазней перайшла ў Тэатр «Ваза» (Стакгольм), дзе прапрацавала з мужам, рэжысёрам Перам Герхардам больш за трыццаць гадоў. У 1985 годзе пакінула акцёрскую прафесію і пераехала ў Францыю.
Памерла ў Канах пасля працяглай хваробы ва ўзросце 82 гадоў.