Майкл Дэвіт (ірл.: Mícheál Mac Dáibhéid; 25 сакавіка 1846, Стрэйд, Меё — 31 мая 1906, Дублін) — ірландскі рэспубліканец. З 1865 актыўна ўдзельнічаў у руху Ірландскага Рэспубліканскага Братэрства, у 1870 быў асуджаны да 15 гадоў катаргі (выпушчаны ў 1877 пад нагляд паліцыі). Выступаў за масавы рух за аграрныя пераўтварэнні, з парламенцкай і пазапарламенцкай барацьбой за нацыянальнае вызваленне. У 1879 разам з Парнелам заснаваў Зямельную лігу. З 1895 член парламента; ў 1899 у знак пратэсту супраць англа-бурскай вайны 1899-1902 дэманстратыўна склаў з сябе парламенцкія паўнамоцтвы.