Мазаліна або Мазаліна да Панікале (італ.: Masolino da Panicale; нар. каля 1383, Панікале (у даліне р. Арно) — каля 1440) — мянушка, пад якой працаваў у пачатку кватрачэнта італьянскі жывапісец Тамаза да Крыстафора-Фіні. У 1407 годзе паступіў у майстэрню Гіберці. Яго першыя творы па вытанчанасці нагадваюць мастацтва Ларэнца Манака і Даменіка Венецыяна. У 1424—1425 гадах Мазачыа і Мазаліна выканалі карціну «Святая Ганна з Марыяй і Дзіцяткам Езусам» (Фларэнцыя, Уфіцы).