Магда Гад (швед. Magda Gad; нар. 17 кастрычніка 1975 г., Фалун) — шведскі ваенны журналіст егіпецкага паходжання.
Піша для вячэрняй газеты «Экспрэс» (Expressen), шведскай газеты «Svenska Dagbladet», выданняў «Сучасная Псіхалогія» і «Läkartidningen».
Нарадзілася 17 кастрычніка 1975 года ў шведскім горадзе Фалун. Атрымаўшы адукацыю ў галіне паліталогіі ў Стакгольмскім універсітэце, працавала ў штомесячным шведскім часопісе Cafe Magazine, арыентаваным на моду, стыль і культуру, потым — ваенным карэспандэнтам у вячэрняй газеце «Экспрэс», пісала для шведскай газеты «Svenska Dagbladet», выданняў «Сучасная псіхалогія» і «Läkartidningen». Аўтар рэпартажаў з многіх гарачых кропак свету, пра вайсковыя падзеі і катастрофы.
У 2014—2015 гадах Магда Гад жыла ў Ліберыі падчас эпідэміі гемарагічнай ліхаманкі Эбола, наведвала са здымачнай групай такія краіны, як Конга, Гандурас і Украіна (серыя рэпартажаў «За інфармацыйнай дымавой завесай Магда Гад шукае праўду»).
Атрымала сусветную вядомасць у чэрвені 2016 года, апісваючы напад на Масул у Іраку, дзе паведаміла пра вайну супраць ІГІЛ у Іраку.
Магда Гад з’яўляецца сааўтарам кнігі «Іншая гісторыя», — анталогіі твораў пра жанчын.