У Вікіпедыі ёсць артыкулы пра іншых асоб з прозвішчам Паўлава. Людміла Уладзіміраўна Паўлава (30 студзеня 1947, Брэст) — беларускі архітэктар.
Скончыла ў 1971 годзе Брэсцкі інжынерна-будаўнічы інстытут. Працавала ў БелНДІдзіпрасельбудзе, з 1974 года — архітэктар, з 1986 года — начальнік аддзела Беларускага спецыялізаванага навукова-рэстаўрацыйнага ВА «Белрэстаўрацыя» Міністэрства культуры БССР.
Член Саюза архітэктараў СССР з 1980 года. Пражывае ў Мінску.
Аўтар праектаў рэстаўрацыі шэрагу помнікаў архітэктуры Беларусі, у т.л. касцёлаў у Раўбічах (1978), Вілейцы (1985), жылога дома ў Магілёве (1980).