Лу́кскі сельсавет — адміністрацыйна-тэрытарыяльная адзінка ў складзе Карэліцкага раёна Гродзенскай вобласці. Цэнтр — аграгарадок (да 2010 г. вёска) Лукі.
Утвораны 16 ліпеня 1954 года ў складзе Мірскага раёна Гродзенскай вобласці БССР шляхам аб’яднання скасаваных Крышылоўшчынскага і Некрашэвіцкага сельсаветаў[1]. З 17 снежня 1956 года ў складзе Карэліцкага раёна, з 25 снежня 1962 года ў складзе Навагрудскага раёна, з 6 студзеня 1965 года ў складзе адноўленага Карэліцкага раёна.
Насельніцтва сельсавета паводле перапісу 2009 года — 1225 чалавек[2], з іх 94,5 % — беларусы, 3,2 % — рускія[3].