wd wp Пошук: ⬜

Лука Лявонцьевіч Чарвінскі

У Вікіпедыі ёсць артыкулы пра іншых асоб з прозвішчам Чарвінскі.

Лука Лявонцьевіч Чарвінскі (нар. 19 верасня 1904, в. Вялікае Бахава, цяпер Дубровенскі раён) — беларускі ўрач эпідэміёлаг, арганізатар аховы здароўя[1].

Біяграфія

Скончыў фельчарска-акушэрскую школу (1925), Мінскі медыцынскі інстытут (1934). Старшы інспектар эпідаўпраўлення Народнага камісарыята аховы здароўя БССР (1935—1938), начальнік санітарна-эпідэміялагічнай станцыі Мінска(wd) бел. (1938—1940). Удзельнік Вялікай Айчыннай вайны[1].

Начальнік супрацьэпідэмічнага ўпраўлення Народнага камісарыята аховы здароўя БССР (1943—1944). Загадчык Гродзенскім абласным аддзелам аховы здароўя (1944—1949), галоўны ўрач Гродзенскай абласной санітарна-эпідэміялагічнай станцыі(wd) бел. (1949—1957), урач Гродзенскай гарадской санітарна-эпідэміялагічнай станцыі з 1957 года[1].

Узнагароды

Узнагароджаны ордэнам Чырвонай Зоркі (1943), медалём «За перамогу над Германіяй у Вялікай Айчыннай вайне 1941—1945 гг.», медалём «За доблесную працу» (1946), ордэнам «Знак Пашаны» (1948), знакам «Выдатнік аховы здароўя»[2].

Зноскі

1 2 3 105 лет со дня рождения Луки Леонтьевича Червинского (руск.)
↑ ИСТОРИЯ СОЗДАНИЯ И СТАНОВЛЕНИЯ (руск.)

Літаратура

Организаторы здравоохранения Республики Беларусь. — Минск, 2002. — С. 278; Руководители санитарно-эпидемиологической службы Республики Беларусь. — Минск, 2001. — С. 22.