У гэтага паняцця ёсць і іншыя значэнні, гл. Лашанка (значэнні).
Лаша́нка — рака ў Гродзенскім раёне Гродзенскай вобласці, левы прыток ракі Свіслач (басейн Нёмана). Даўжыня 15 км[1]. Плошча вадазбору 143 км². Сярэдні нахіл воднай паверхні 2‰. Пачынаецца на ўсходніх схілах Гродзенскага ўзвышша каля вёскі Баранава, упадае ў Свіслач на ўсход ад вёскі Сухая Даліна. У верхнім цячэнні называецца Лікоўка. Асноўныя прытокі — Баярка, Баранава.