Ласэ Артуры Вірэн (фінск.: Lasse Artturi Virén; нар. 22 ліпеня 1949, Мюрскюля) — фінскі бягун на доўгія дыстанцыі, чатырохразовы алімпійскі чэмпіён.
Алімпійскі чэмпіён 1972 і 1976 гадоў на дыстанцыях 5000 і 10 000 м (1972 — з сусветным рэкордам); першы ў гісторыі, хто здолеў выйграць дыстанцыі 5000 і 10 000 м на двух Гульнях запар (яго дасягненне паўтарыў у 2016 годзе Махамед Фара). Бронзавы прызёр чэмпіянату Еўропы 1974 года на дыстанцыі 5000 м. Усталяваў 3 сусветныя рэкорды: 2 мілі — 8.14,0, 5000 м — 13.16,4, 10 000 м — 27.38,4 (1972).