Ламберта Заньер (італ.: Lamberto Zannier; 15 чэрвеня 1954, Фаган’я, Італія) — італьянскі дыпламат, былы генеральны сакратар АБСЕ (2011—2017).
Нарадзіўся 15 чэрвеня 1954 года ў муніцыпалітэце Фаган’я (на паўночным усходзе Італіі).
З 1976 года — у Міністэрстве замежных спраў Італіі. Працаваў у пасольствах Італіі ў Аб’яднаных Арабскіх Эміратах, Аўстрыі і Нідэрландах.
У 1998—1999 гадах прымаў удзел у перамовах па адаптацыі Дамовы аб звычайных узброеных сілах у Еўропе (ДЗУСЕ).
З 2002 па 2006 год займаў пасаду дырэктара цэнтра АБСЕ па прадухіленні канфліктаў ў Вене.
З чэрвеня 2008 года па чэрвень 2011 года быў спецпрадстаўніком ААН па Косава і кіраўніком місіі ААН па справах часовай адміністрацыі ў Косава.
У чэрвені 2011 года Ламберта Заньер быў абраны генеральным сакратаром АБСЕ.