Кім Ён Чхун (кар.: 김영춘; 4 сакавіка 1935 - 16 жніўня 2018) — паўночнакарэйскі дзяржаўны і ваенны дзеяч, міністр абароны КНДР (з лютага 2009), намеснік старшыні Дзяржкамітэта абароны КНДР (з 2007), маршал КНДР.
Скончыў Рэвалюцыйнае вучылішча Мангендэ пад Пхеньянам і Ваенны ўніверсітэт імя Кім Ір Сена. Праходзіў вучобу ў СССР, у ваеннай акадэміі імя М. Фрунзэ. Займаў пасты кіраўніка Галоўнага мабілізацыйнага ўпраўлення, камандаваў 6-й арміяй, а ў 1995 годзе атрымаў званне маршала. У перыяд з 1998 па 2007 гады ён узначальваў Генштаб арміі, пакуль не стаў намеснікам старшыні Камітэта абароны.