Кіеўскі сталічны ўніверсітэт імя Барыса Грынчэнкі — украінскаявышэйшая навучальная ўстанова, якая знаходзіцца ў камунальнай уласнасці горада Кіева і падпарадкоўваецца Кіеўскаму гарадскому савету.
Гісторыя
1874 год — адкрыты педагагічныя курсы ўдасканалення настаўнікаў пачатковых народных вучылішчаў Кіеўскай навучальнай акругі;
1919 год — у Кіеве пачаў працу педагагічны інстытут імя Б. Д. Грынчэнкі, пасля рэфармаваны ў Кіеўскія педагагічныя курсы імя Б. Д. Грынчэнкі;
1922 год — створаны Вышэйшыя трохгадовыя педагагічныя курсы імя Б. Д. Грынчэнкі шляхам аб’яднання Педагагічных курсаў імя Б. Д. Грынчэнкі з Педагагічнымі курсамі імя К. Д. Ушынскага;
1939 год — заснаваны Кіеўскі гарадскі інстытут удасканалення настаўнікаў;
1963 год — створана Кіеўскае гарадское педагагічнае вучылішча;
1991 год — на базе Кіеўскага гарадскога і абласнога інстытутаў удасканалення настаўнікаў створаны Кіеўскі міжрэгіянальны інстытут удасканалення настаўнікаў;
2002 год — Кіеўскі міжрэгіянальны інстытут удасканалення настаўнікаў імя Б. Д. Грынчэнкі рэарганізаваны ў Кіеўскі гарадскі педагагічны ўніверсітэт імя Б. Д. Грынчэнкі;
2009 год — рашэннем Кіеўскага гарадскога савета Кіеўскі гарадскі педагагічны ўніверсітэт імя Б. Д. Грынчэнкі перайменаваны ў Кіеўскі ўніверсітэт імя Барыса Грынчэнкі;
2010 год — універсітэт увайшоў у рэйтынг 200 лепшых вышэйшых навучальных устаноў Украіны;