Куэлап
Куэлап (Kuélap) — крэпасць цывілізацыі Чачапоя, заваяванай інкамі. Была збудаваная ў X стагоддзі і існавала да прыкладна XVI ст. Знаходзіцца ў рэгіёне Амазонас у Перу.
Зноў адкрыта ў 1843 г. Размешчана на вышыні 3 тыс. метраў над узроўнем мора, складаецца з некалькіх гіганцкіх платформаў, размешчаных адна на адной. Першая з платформ вышынёй 20 м і шырынёй 600 м размешчана ў напрамку з поўначы на поўдзень. За ёй знаходзяцца дзве іншых. Гэтыя платформы падтрымліваюць каля 400 будынкаў, у асноўным цыліндрычнай формы. Некаторыя з канструкцый упрыгожаны фрызамі ў выглядзе вачэй або птушак.
Да крэпасці вядзе вельмі вузкая дарога, на якой змяшчаецца не больш за 1 чалавека, акружаная сценамі вышынёй у 20 метраў.
Тры найбольш важных збудаванні крэпасці: Эль-Тынтэра, Ла-Аталая і Эль-Кастыльё.
Непадалёк ад Куэлапа ў 1985 г. быў адкрыты комплекс археалагічных помнікаў Гран-Вілая, які таксама адносіцца да культуры Чачапоя.
-
Куэлап
-
Эль-Тынтэра -
Унутраны выгляд крэпасці -
На Вікісховішчы ёсць медыяфайлы па тэме Куэлап
Спасылкі
Тэмы гэтай старонкі (6):Катэгорыя·Археалагічныя аб’екты ў Перу
Катэгорыя·Крэпасці
Катэгорыя·Гарады інкаў
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Археалогія ў Перу
Катэгорыя·Гісторыя Перу